Ковачевски ќе ја преземе од Заев премиерската функција

По дводневна расправа, некаде пред полноќ со 62 гласа „за“ беше избрана новата Влада

Во Владата на Република Северна Македонија денеска ќе се изврши примопредавање на функцијата и кабинетот помеѓу досегашниот премиер Зоран Заев и новоизбраниот премиер Димитар Ковачевски.

По дводневна расправа, некаде пред полноќ со 62 гласа „за“ беше избрана новата Влада.

Со само 62 гласа ,,за” избрана владата на премиерот Ковачевски

Во неа ќе има 21 член – од СДСМ 11, ДУИ шест, Алтернатива тројца и еден министер од ЛДП.

Новиот владин кабинет има еден член повеќе од досегашниот и тоа министер без ресор, место што по формирањето на новото парламентрано мнозинство и припадна на Алтернатива.

Во експозето пред пратениците пред изборот Ковачевски рече дека фокусот на владината програма е на граѓаните, економијата и на справување со последиците од пандемијата и енергетската криза. Тој посочи дека не се потребни нови избори, најавувајќи зголемување на пензиите и раст на минималната и просечната плата, како и реформи во образованието.

Мандатарот Ковачевски: Имаме план за соочување со економската и со енергетската криза

Говорејќи за спорот со Бугарија, Ковачевски рече дека разговорите ќе продолжат и ќе бидат интензивирани без да биде загрозен идентитетот на народот.

Ковачевски: Разговорите со Бугарија продолжуваат, но никој не смее да преговара за македонскиот идентитет и јазик