Прашан која се од земјите во регионот и пошироко му понудила помош на Обвинителството за истрагата за пожарот во Кочани, државниот јавен обвинител во интервјуто за српскиот весник наведува оти е благодарен за стручната помош понудена од странство, но вели дека во овој момент нема потреба од тоа
Во врска со тоа дека вакви настани можат бидат исполизирани, и кое е решението политичарите да не ги користата гневот и тагата на граѓаните за свои политички и партиски интереси, Коцевски вели дека не само што на политиката не е и место овде, туку и овој вид на злоупотреба на трагедијата е апсолутно неприфатлив
Вистина е дека во последните години се соочивме со многу трагични настани. Заедничко за речиси сите нив е тоа што покрај директната причина за катастрофата, често има и дополнителна причина во вид на непочитување на законот и системска корупција, што во голема мера ги зголемува катастрофалните последици. Но, она што е многу болно во овој случај е тоа што последиците се поразителни. Кочани е мал град на истокот од државата. Во оваа трагедија, за само една ноќ изгубивме речиси цела генерација млади луѓе од тој мал град, а од социолошка перспектива би рекол дека е колективна трагедија која тешко ја поднесува нашиот народ, вели државниот јавен обвинител, Љупчо Коцевски во интервју за белградска „Политика“.
Во рамките на истражните дејствија што се преземени, тој вели дека досега се осомничени 28 лица, од кои тројца се сè уште во болница, 18 се приведени во предистражна постапка, а седум полициски службеници се под истрага и се наооѓаат во притвор.
Доказите, вели државниот јавен обвинител, се собираат во материјална и во форма на изјави, но и во вид на стручни мислења од одредени области.
„Сите овие докази досега упатуваат на сомнежи за основното кривично дело тешки кривични дела против општата сигурност поради директно загрозување на животот и телата на лица, за што и предвидена затворска казна од 20 години. Се истражуваат и кривични дела давање и примање поткуп, незаконитости при набавка на пиротехнички средства, како и повеќе други“,
вели обвинителот.
Тој во интервјуот го повторува и ставот, кој го искажа и изминатите денови дека доказите кои секојдневнос е собираат укажуваат дека коренот е општа ерозија на системот, културата на непочитување на законите и правилата, но и длабока системска корупција.
„Обвинителството, за жал, не е орган на превенција, туку на репресија. Можеше ли да се спречи таков исход и како? Јас би рекол, можеби. Но, наше е сега да се соочиме со последиците, да ги казниме виновниците за оваа катастрофа и со тоа да спречиме ваква трагедија да не се повтори“,
посочува Коцевски.
На прашањето дали врз основа на информациите од истрагата, надлежните органи биле информирани за собирот во дискотеката во Кочани и дали ја извршиле својата професионална должност, Коцевски одговара дека сето тоа детално ќе биде проверено во рамките на истрагата.
„Сите тие закони и прописи постоеле на хартија, а досега утврдивме дека речиси ниту еден не се почитувал“,
вели државниот јавен обвинител.
Посочува дека на граѓаните им ветил брза и ефикасна истрага и дека тоa ветување ќе го исполни. Истрагата, додава, ќе биде сеопфатна и ќе го вклучи секој за кого ќе бидат обезбедени докази дека сторил кривично дело и со тоа придонел за ужасните последици од пожарот.
„Ова непочитување на законот се толерира предолго, а исходот е поразителен за сите нас. Сега сите бараат правда и правдата мора да биде задоволена“,
вели Коцевски.
Прашан која се од земјите во регионот и пошироко му понудила помош на Обвинителството за истрагата, државниот јавен обвинител наведува оти е благодарен за стручната помош понудена од странство, но вели дека во овој момент нема потреба од тоа.
„Како прво, сите колеги од регионот, но и од други земји, нудат помош бидејќи обемот на оваа трагедија погоди многумина. Загубивме толку млади животи во една катастрофална ноќ, многумина беа тешко повредени. Благодарен сум за стручната помош понудена од странство, но во овој момент нема потреба од тоа. Како граѓанин на оваа земја, а не обвинител, им благодарам на сите за каква било форма на помош во врска со оваа катастрофа. Пред се мислам на лекарската помош за лекување и спасување на животите на тешко повредените, која ни ја пружија многу земји, вклучително и Србија“,
вели јавниот обвинител.
Во врска со тоа дека вакви настани можат бидат исполизирани, и кое е решението полиитчарите да не ги користата гневот и тагата на граѓаните за свои политички и партиски интереси, Коцевски вели дека не само што на политиката не е и место овде, туку и овој вид на злоупотреба на трагедијата е апсолутно неприфатлив.
„Мора да бидеме обединети бидејќи нашата заедничка цел е да ги казниме сите одговорни и да се погрижиме никогаш повеќе да не се повтори таква трагедија“,
вели државниот јавен обвинител во интервјуто за „Политика“.