Утрово соопштение до медиумите испратија и од Здружението на оштетени штедачи, наведувајќи пример за земен кредит, како што велат тие, на вересија и велат дека на листата се наоѓаат „интересни имиња, некои познати ликови, шоумени, бизнисмени, аналитичари, адвокати, браќа и сестри на високи функционери во државава, разни манипулатори и измамници“, но не споменуваат никого конкретно
Бизнисменот и главен акционер во пропадната Еуростандард банка, Трифун Костовски, денеска побара оставка од членовите на Антикорупциска комисија поради непокренување предмет за стечајот на банката. Тој тврди дека се работи за организиран криминал каде што жртва е банката, неколку правни и физички лица и акционерите.
„Денеска изминуваат точно седум месеци од носењето во стечај на Еуростандард банка. Не можам да разберам да со таква леснотија ги маргинализирате моите повици дека се работи за организиран криминал со носењето на Еуростандард банка во стечај, каде што се оштетени многу правни и физички лица, вклучително и ние акционерите. Вие како тело задолжено да се занимавате со вакви проблеми, па дури и како повод може да биде допрен глас, до денес не отворивте ниту предмет ниту покажавте интерес за решавање или следење на овој мегаскандал кој порано или подоцна ќе пукне“,
вели Костовски.
Тој ја обвинува Антикорупциска дека со молкот го аминува организираниот криминал.
„Гоните организиран криминал и корупција, а ги заобиколувате институциите кои во основа се
се обраќа Костовски до Антикорупциска.
центар на ова општествено зло“,
Утрово соопштение до медиумите испратија и од Здружението на оштетени штедачи наведувајќи пример за земен кредит, како што велат тие, на вересија.
Такви случаи, според нив, во ограбената Еуростандард банка има многу.
„Интересни имиња, некои познати ликови, шоумени, бизнисмени, аналитичари, адвокати, браќа и сестри на високи функционери во државава, разни манипулатори и измамници. Имаме што да кажеме и да покажеме“,
велат од Здружението во писмото, без да посочат конкретни имиња.
Во февруари Основното јавно обвинителство за гонење на организираниот криминал и корупција отвори истрага за четири лица од пропаднатата Еуростандард банка кои се осомничени дека ја довеле во стечај банката со тоа што сториле кривично дело предизвикување стечај (според Законот за банки) и продолжено првично дело перење пари (според Кривичниот законик).
Костовски тогаш побара Обвинителството да излезе со имиња за осомничените.
Народната банка на 12 август лани ѝ ја одзеде дозволата за работа на Еуростандард банка-Скопје поради неисполнување минимални законски услови за работење.
Здружението на оштетени штедачи тврди дека преку невиден грабеж во банката, кој се случувал со години, исчезнаа многу пари, речиси 60 милиони евра, како од заштеди така и од средства на тековни сметки на околу 3 000 семејства.