Костадиновска-Стојчевска: Свирежите на македонскиот јазик на прославата за Рамковниот договор се само провокации

Министерката за култура Бисера Костадиновска Стојчевска, во емисијата „Жешко политико лето” на Канал 5 кажа дека провокации имало во минатото, a ќе има и во иднина, но сепак тоа не значи дека треба да се остане нем на ваквите појави.

„Сепак верувам дека тие провокации воопшто не биле од некои од чинителите на власт и се надевам дека тоа исвиркување било на некој сосема друг сегмент”,

вели Костадиновска Стојчевска.

Публиката ја исвирка водителката што проговори на македонски јазик на прославата за Рамковниот договор

Како провокација го оцени и денешниот случај кога членови на бугарско здружение, објавија дека го исчистиле споменикот на Гоце Делчев во градскиот парк во Скопје, при што на него поставиле бугарско знаме.

„Ние како држава се грижиме за нашето културно наследство, што ги вклучува спомениците и сите други спомен обележја. Не би сакала да коментирам зошто и кои се побудите зошто бугарското знаме е поставено на овој споменик, но сепак на некој начин овде станува за некаква провокација која во вакви деликатни времиња навистина не ни е потребна на ниту една од двете држави”,

рече министерката за култура.

За вметнувањето на Бугарите во Уставот таа вели дека не гледа ништо против во Уставот да бидат внесени Бугарите, но и Хрватите, Црногорците и други помали етнички групи.

„Со внесувањето на Бугарите во Уставот паѓаат во вода политичките тези дека се оди кон бугаризација, асмилиација. Тука е проблемот на опозицијата, бидејќи знаат што тоа ќе значи дека ќе имаме македонски народ од една страна и Бугари во Устав кои се застапени со одреден процент. Сигурна сум дека ниту еден слободоумен граѓанин нема ништо против Бугарите, Црногорците, Хрватите и сите други помали групи да бидат вметнати во Уставот бидејќи со тоа се прави многу јасна дефиниција дека постои македонски јазик, култура и идентитет, застапен од македонскиот народ во Република Северна Македонија и постои култура, идентитет и јазик на други групи на граѓани кои заборуваат други јазици различни од македонскиот јазик”,

рече министерката.

Мицкоски: Ако мнозинството нема 80 пратеници за измена на Уставот, да одиме на избори

Таа воедно додава дека според неа, Бугарија во моментот нема нови барања од Северна Македонија кога станува збор за евроинтеграцискиот процес.