„Во атарот на селото Сеќиште, во близина на преминот ‘Генерал Јанковиќ‘, е забележано сомнително возило што се обидува да ја премине границата. Веднаш се преземени дејствија за негово стопирање. Во обид да побегне во правец кон територија на Северна Македонија, предизвикана е сообраќајна незгода со материјална штета“, се вели во соопштението од косовската полиција
Македонски државјанин е уапсен на косовско-македонската граница, на преминот „Генерал Јанковиќ“ – „Блаце“, откако се обидел да прошверцува обувки и облека, пренесуваат косовските медиуми повикувајќи се на информации од тамошната полиција.
Лицето З.А., на возраст од околу 40 години, со возило со македонски регистарски таблички, се обидело да ја премине границата по нелегален пат, но откако увидело дека е забележано од патроли на граничната полиција, почнало да бега кон територија на Северна Македонија, при што е предизвикана сообраќајна незгода со материјална штета.
„Во атарот на селото Сеќиште во близна на преминот ‘Генерал Јанковиќ‘ е забележано сомнително возило што се обидува да ја премине границата. Веднаш се преземени дејствија за негово стопирање. Во обид да побегне во правец кон територија на Северна Македонија, предизвикана е сообраќајна незгода со материјална штета“,
се вели во соопштението од косовската полиција.
Откако полицијата го извлекла возилото, како што пренесуваат косовските медиуми, во него се пронајдени 120 пара на обувки (патики) и 260 парчиња облека (тренирки).
На осомничениот му е одреден притвор од 48 часа, а шверцуваната стока е одземена.
Според информациите од косовската полиција, намерата била да се прошверцува стока која од територија на Косово ќе влезе во Северна Македонија преку нелегални планински патишта.