Порталот Нова.рс добил увид во содржината на овој документ кој се состои од вкупно девет точки, а целта му е целосна нормализација на односите меѓу Косово и Србија. Според сознанијата на порталот верзијата до која имале пристап ќе подлежи на измени и дополнувања во текот на преговорите меѓу двете страни
Во јавноста протече француско-германскиот предлог кој предвидува конечен договор за нормализација на односите во преговорите меѓу Белград и Приштина.
Порталот Нова.рс добил увид во содржината на овој документ кој се состои од вкупно девет точки, а целта му е целосна нормализација на односите меѓу Косово и Србија. Според сознанијата на порталот Нова.рс, верзијата до која имале пристап ќе подлежи на измени и дополнувања во текот на преговорите меѓу двете страни.
Во првиот член од прдлогот се наведува дека Косово и Србија ќе развиваат нормални, добрососедски односи меѓусебно засновани на еднакви права. Во вториот член се вели дека Косово и Србија ќе се водат од заедничките аспирации за членство во ЕУ.
Во согласност со ССА (Договорот за стабилизација и асоцијација) потпишан од двете страни, Косово и Србија ќе ги решаваат сите спорови меѓу нив исклучиво по мирен пат и ќе се воздржат од закана или употреба на сила. Тие ја потврдуваат неповредливоста сега и во иднина на границите што постојат меѓу нив и се обврзуваат целосно да го почитуваат меѓусебниот територијален интегритет. Ова е наведено во третиот член од овој француско-германскиот предлог.
„Косово и Србија произлегуваат од претпоставката дека ниту една од двете страни не може да ја претставува другата во меѓународната сфера или да дејствува во нејзино име“,
се вели во четвртиот член.
Во петиот член наведено е дека Косово и Србија ќе ги промовираат мирните односи во Западен Балкан и ќе придонесат за регионалната безбедност и соработка во Европа, а во шестиот член се вели дека Косово и Србија дејствуваат со взаемно почитување на јурисдикцијата на секоја страна.
„Косово и Србија изјавуваат подготвеност да ги регулираат практичните и хуманитарните прашања во процесот на нормализирање на нивните односи. Тие ќе склучат договори за развој и унапредување врз основа на овој Договор и за заемна корист од соработката во областа на економијата, науката и технологијата, сообраќајот, судските односи, поштата и телекомуникациите, здравството, културата, спортот, животната средина. заштита и во други области. Деталите се договорени во Дополнителниот протокол“,
се вели во седмиот член.
Во осмиот член е предвидено Косово и Србија да разменат постојани мисии формирани во владите на овие две земји, а во деветтиот член Косово и Србија да се согласат дека овој договор нема да влијае на билатералните и мултилатералните меѓународни договори и договори кои веќе се склучени или се повикуваат на нив.
Детали од германско-францускиот договор за решавање на косовското прашање за првпат се појавија во албанските медиуми во септември. Неколку дена по објавата српскиот претстедател рече дека го видел документот и оти одбил да го прими.
По предлогот се изјасни и претседателката на Европската комисија, Урсула фон дер Лајен која порача дека Европската Унија го поддржува германско-францускиот предлог за нормализација на односите меѓу Белград и Приштина.