Од Кошаркарската федерација на Македонија соопштија дека Савевски својот професионален пат го посветил на кошарката, особено на развојот и работата со младите категории
Несреќата, според информациите на полицијата, се случила синоќа, кога на магистралниот пат Охрид – Кичево, патничко возило „хјундаи гец“ со охридски регистарски ознаки првин удрило во кучиња скитници, а потоа во метални браници на патот, по што се запалило
Кошаркарскиот тренер Антонио Савески загина во сообраќајна несреќа што синоќа се случи на магистралниот пат Охрид – Кичево.
Од Кошаркарската федерација на Македонија соопштија дека со голема тага ја примиле веста за загинувањето на Савевски, додавајќи претставува голема загуба за македонската кошарка.
„Со голема тага ја примивме веста за заминувањето на Антонио Савевски, кој на само 33 години го напушти светот на кошарката и оние со кои го споделуваше својот живот и љубовта кон спортот“,
се вели во соопштението од Кошаркарската федерација.
Оттаму велат дека својот професионален пат Савевски го посветил на кошарката, особено на развојот и работата со младите категории.
Савевски беше дел од тренерските тимови на „Охрид“, „Вардар“, „Водно Санс“ и „Ангели“.
„Неговата посветеност кон младите кошаркари ќе остане запаметена во македонската кошаркарска заедница“,
додаваат од Федерацијата.
Несреќата, според информациите на полицијата, се случила синоќа, кога на магистралниот пат Охрид – Кичево, патничко возило „хјундаи гец“ со охридски регистарски ознаки првин удрило во кучиња скитници, а потоа во метални браници на патот, по што се запалило.
Пожарот бил изгаснат од екипа на Територијалната противпожарна единица (ТППЕ) Охрид, која во возилото го пронашла телото на починатиот возач.
„По наредба на јавен обвинител, телото е предадено во Судска медицина на обдукција и за утврдување на идентитетот на лицето“,
соопштија денеска од МВР.