Двајца контролори на ЈСП во текот на вчерашниот ден биле физички нападнати додека вршеле проверка на возните билети во еден од градските автобуси.
Како што информира Министерството за внатрешни работи, Ф.Б.(37) и неговиот колега Х.М.(35) двајцата од Скопје, додека ја извршувале својата работа биле нападнати со тврди предмети од страна на три лица.
„Во 10.30 часот во СВР-Скопје било пријавено дека на подрачјето на Бит Пазар, во автобус на ЈСП, додека Ф.Б.(37) и неговиот колега Х.М.(35), двајцата од Скопје, вршеле контрола на возните билети, биле физички нападнати од три лица, при што бил употребен и тврд предмет“,
се вели во соопштението на МВР.
Полицијата работи на расчистување на случајот.