Кон: Со имунизација на 1,5 милион жители на Србија до колективен имунитет од околу 60 проценти

Според српскиот епидемиолог, за целосно сузбивање на коронавирусот потребен е колективен имунитет од над 80 проценти, односно да се вакцинираат до три милиони жители на земјата

Имунизација на најмалку 1,5 милиони жители на Србија обезбедува колдективен имунитет од околу 60 проценти, што ќе биде доволен за да се спречат епидемиските бранови на коронавирусот, според српскиот епидемиолог и член на кризниот штаб Предраг Кон.

Во порака на Фејсбук, тој наведува дека за целосно сузбивање на коронавирусот потребен е колективен имунитет од над 80 проценти, односно да се вакцинираат до три милиони жители.

Србија утре ја почнува вакцинацијата против ковид-19

Според него, голем број (до 40 проценти) стекнале имунитет по контакт со вирусот, со тоа што прележале ковид-19 или имале асимптоматска инфекција.

Филипче: Знаеме колку вакцини ќе добиеме од „Фајзер“ ама не можеме да кажеме

Тој посочи дека резултатот од масовната имунизација ќе зависи од одзивот на населението, но и од можноста тоа да не стане тема за поделби туку тема за лична заштита, но и солидарност.