Портпаролот Злате Мехмедовиќ изјави дека Комисијата ја следи состојбата со мајмунските сипаници во светот, како и препораките на Светската здравствена организација, кои во моментот не предвидуваат ограничување на движење на луѓе и стока во рамки на земјите каде што не се регистрирани
Комисијата за заразни болести денеска, меѓу другото, ќе расправа за состојбата со мајмунски сипаници во светот и можноста за евентуално пренесување кај нас и подготвеноста на системот да се справи со евентуална епидемија или пандемија која би се појавила во светот и кај нас.
Портпаролот Злате Мехмедовиќ изјави дека Комисијата ја следи состојбата со мајмунските сипаници во светот, како и препораките на Светската здравствена организација кои во моментот не предвидуваат ограничување на движење на луѓе и стока во рамки на земјите каде што не се регистрирани.
„Што ќе се дискутира на состанокот на Комисијата за заразни болести ќе информираме по неговото завршување, за тоа што понатаму планираме да спроведеме како активности во однос на тоа системот да биде што поподготвен за евентуална епидемија која би можела да се случи“,
додаде д-р Мехмедовиќ.
Од регионот засега ваков случај пријави Словенија.