Според најновиот неделен извештај на ИЈЗ, до 26 овој месец, највисока стапка на заразени има во Штип, па во Свети Николе и во Ресен, додека највисок морталитет е регистриран во Струга, Тетово и во Куманово
Најголем процент од новозаболените во периодот од 20 до 26 јули се на возраст од 50 до 59 години (22,3 отсто)
Иако главниот град е со најголем број заболени од ковид-19 во земјава, стапката на заразата е највисока во два града на истокот на државата – Штип и Свети Николе, а трет на листата е Ресен.
Според неделниот извештај на Институтот за јавно здравје, заклучно со 26 овој месец, највисока кумулативна инциденца на 100 000 жители е регистрирана во Штип со 1 444,8 заболени, следуваат Свети Николе со 1 057,9 на 100 000 жители, Ресен (874,5/100.000), Скопје (754,5/100.000), Куманово (694,5/100.000), Дебар (691,8/100.000), Струга (613,1/100.000). Стапка со над 250 заболени на 100.000 жители е регистрирана во Тетово, Охрид, Прилеп, Гостивар, Велес, Пробиштип и Демир Хисар.
Според место на постојано живеење/повремен престој, најголем број случаи има во Скопје, Тетово и Куманово, додека највисок морталитет е регистриран во Струга, Тетово, Куманово и Скопје. Од градовите каде што е регистриран поголем број случаи, највисок леталитет е регистриран во Струга.
Дистрибуција по ЦЈЗ/ПЕ | Инциденца /100 000 | Умрени (вкупно) | Морталитет/100 000 | Леталитет |
Вкупно | 491,6 | 466 | 22,4 | 4,6% |
Скопје | 754.5 | 192 | 31.1 | 4.1% |
Тетово | 499.6 | 71 | 35.5 | 7.1% |
Куманово | 694.5 | 50 | 35.0 | 5.0% |
Штип | 1444.8 | 12 | 22.8 | 1.6% |
Струга | 613.1 | 44 | 64.8 | 10.6% |
Гостивар | 321.4 | 23 | 19.2 | 6.0% |
Прилеп | 339.9 | 23 | 24.1 | 7.1% |
Охрид | 466.9 | 7 | 12.5 | 2.7% |
Свети Николе | 1057.9 | 0 | 0.0 | 0.0% |
Велес | 320.0 | 13 | 19.6 | 6.1% |
Дебар | 691.8 | 6 | 21.6 | 3.1% |
Ресен | 874.5 | 4 | 24.5 | 2.8% |
Кичево | 210.0 | 6 | 10.5 | 5.0% |
Битола | 113.8 | 2 | 2.0 | 1.7% |
Кочани | 198.0 | 3 | 6.3 | 3.2% |
Кавадарци | 111.5 | 1 | 2.3 | 2.1% |
Пробиштип | 313.7 | 0 | 0.0 | 0.0% |
Струмица | 37.0 | 3 | 3.2 | 8.6% |
Радовиш | 85.9 | 1 | 3.1 | 3.6% |
Демир Хисар | 286.5 | 0 | 0.0 | 0.0% |
Неготино* | 98.0 | 1 | 4.3 | 4.3% |
Гевгелија** | 64.0 | 0 | 0.0 | 0.0% |
Крива Паланка | 92.0 | 0 | 0.0 | 0.0% |
Крушево | 157.4 | 2 | 21.0 | 13.3% |
Македонски Брод | 134.0 | 0 | 0.0 | 0.0% |
Кратово | 135.9 | 0 | 0.0 | 0.0% |
Виница | 36.0 | 0 | 0.0 | 0.0% |
Пехчево | 120.2 | 0 | 0.0 | 0.0% |
Валандово | 50.6 | 0 | 0.0 | 0.0% |
Делчево*** | 20.8 | 1 | 4.2 | 20.0% |
Берово | 30.8 | 1 | 7.7 | 25.0% |
*10 лица се од Демир Капија **7 лица се од Дојран, 3 од Богданци ***4 случаи се од Македонска Каменица.
Најголем процент од новозаболените во периодот од 20 до 26 јули се на возраст од 50 до 59 години (22,3 отсто), а поголем број заболени се регистрира и кај лица на возраст од 40 до 49 години и над 60 години – 19,6 отсто во двете групи.
Најмал број на новозаболени има кај децата на возраст до девет години – 2,6 отсто и од 10 до 19 години – 4,7 отсто од вкупниот број на новозаболени, покажуваат податоците од денеска објавениот извештај на Институтот за јавно здравје за периодот од 20 до 26 јули.
Во извештајот се евидентира намалување на бројот на новозаболени и починати лица од ковид-19, а зголемување на бројот на оздравени во однос на претходната недела.
Од вкупно 32 смртни случаи во наведениот период, што е за 12 помалку од претходниот период, најголем број се лица на возраст над 60 години (84,4 отсто).