Од Коалицијата додаваат дека за овие лица е потребен еднаков третман како кај останатите граѓани, односно – пристапни детски игралишта, пристапен паркинг, пристапност за лицата со оштетен слух, пристапни јавни тоалети, пристапни пешачки премини, пристапни пешачки патеки, пристапни објекти надвор и внатре и пристапен јавен транспорт
Во меѓувреме, денешниот Ден на лицата со попреченост, како што информираат од Град Скопје, градоначалничката Данела Арсовска го одбележала заедно со Здружението на лица со телесен инвалидитет „Мобилност“ Скопје, а како поддршка за подобрување на мобилноста на лицата чие движење е отежнато, Градот Скопје обезбедил електромоторни погони кои денес им биле доделени на лица корисници на инвалидски колички
Лицата со попреченост немаат еднаков пристап во градот Скопје, порачаа од Коалицијата Менуваме по повод 3 декември – Меѓународен ден на лицата со попреченост и побараа итна средба со градоначалничката Данела Арсовска, која, како што велат, е должна на овие лица да им обезбеди еднаков пристап до институциите исто како и на сите останати граѓани.
„Посетивме неколку институции да видиме дали Градот Скопје им овозможува на сите свои граѓани да се движат самостојно. Причината поради што ја правиме оваа истрага е затоа што градоначалничката има должност да обезбеди севкупен пристап на лицата со попреченост во секојдневието“,
појаснуваат во соопштението.
Според Коалицијата, потребна е Агенда 2030, која ќе вклучува стратегија и методологија за задоволување на основните потреби за лицата со попреченост и обезбедување услови за нивно активно вклучување во сите сфери на општеството, како на локално, така и на национално ниво.
Додаваат дека за овие лица е потребен еднаков третман како кај останатите граѓани, односно – пристапни детски игралишта, пристапен паркинг, пристапност за лицата со оштетен слух, пристапни јавни тоалети, пристапни пешачки премини, пристапни пешачки патеки, пристапни објекти надвор и внатре и пристапен јавен транспорт.
„Држава која претендира за влез во Европската Унија недозволиво е да се однесува дискриминирачки и манипулативно кон децата и лицата со попреченост. Градоначалничката треба да биде запознаена со непочувањето на основните права на лицата со попреченост т.е. недоволен пристап во Град Скопје“,
појаснуваат во соопштението.
Во меѓувреме, денешниот ден, како што информираат од Град Скопје, градоначалничката Данела Арсовска го одбележала заедно со Здружението на лица со телесен инвалидитет „Мобилност“ Скопје, а како поддршка за подобрување на мобилноста на лицата чие движење е отежнато, Градот Скопје обезбедил електромоторни погони кои денес им биле доделени на лица корисници на инвалидски колички.
„Континуирано работиме на подобрување на квалитетот на живот на лицата со попреченост, како еден од моите приоритети, при што се залагаме да се стекнат со мобилност неопходна за меѓусебна соработка и вмрежување“,
се наведува во соопштението од Град Скопје.