Клиника за онкологија: Пациентите да бидат смирени, воведени се драстични промени за стандардизирање на третманот

Основното јавно обвинителство Скопје вчера поднесе две обвиненија за предметот „Онкологија“

Универзитетска клиника за радиологија и онкологија апелира до сите засегнати, посебно до пациентите и нивните блиски, да останат смирени, сталожени и доверливи во однос на целокупниот работен процес на клиниката, уверувајќи дека по отворањето на случајот „Онкологија“ воведени се драстични промени во работата се со цел стандардизирање на третманот на пациентите.

„Апелираме до сите засегнати, посебно до нашите пациенти и нивните блиски, да останат смирени, сталожени и доверливи во однос на целокупниот работен процес на нашата клиника. Имено на УК за радиотерапија и онкологија по тој немил настан се воведоа драстични промени во работата се со цел стандардизирање на третманот на пациентите со воведување на редовни онколошки конзилиуми на кои се одлучува за третманот на пациентите во согласност со современите протоколи кои се усвоени од меѓународните стручни здруженија. Од УК за радиотерапија и онкологија апелираме за смиреност и доверба во персоналот на УК за радиотерапија и онкологија, кој навистина макотрпно работи. Ние сме тука пред се за здравјето на пациентите и нивната благосостојба“,

информираат од ЈЗУ УК за радиотерапија и онкологија – Скопје.

Основното јавно обвинителство Скопје вчера поднесе две обвиненија за предметот „Онкологија“. Како што соопшти вчера на прес-конференција предметната јавна обвинителка Ана Гоговска-Јакимовска, предметот е поделен на два дела – првиот се однесува на економското работење на Клиниката во кој се опфатени тогашниот медицински директор и организацискиот директор на и вториот дел од предметот се однесува на третманот на пациентите и опфаќа четворица лекари онколози.

Поднесени обвиненија за предметот „Онкологија“: 29 пациенти биле несоодветно лекувани, со што тешко им било нарушено здравјето

Обвинителството, заедно со поднесените обвиненија во предметот „Онкологија“, до Основниот кривичен суд Скопје вчера поднело и предлог за определување мерка притвор за двајца обвинети – медицинскиот и организацискиот директор на ЈЗУ Универзитетска клиника за радиотерапија и онкологија Скопје и мерки на претпазливост за лекарите. 

Обвинителството предлага притвор за двајцата директори обвинети во предметот „Онкологија“ и мерки на претпазливост за тројцата лекари