Ова би значело дека водечкиот светски увозник веројатно нема да се натпреварува со погодената од криза Европа, во набавката на важниот извор на енергија, шпекулира Ројтерс
Кина ги повика домашните државни увозници да престанат со препродажба на течен природен гас (ЛНГ) на европските и азиските купувачи за да обезбедат доволно домашни резерви во текот на зимската сезона, објави Блумберг.
„Кинеската Национална комисија за развој и реформи побара од увозниците PetroChina, Sinopec и Cnooc да го заштедат гасот купен за зимата за домашни потреби“,
се наведува во извештајот, кој се повикува на добро информирани извори.
Ниту Комисијата, ниту трите компании не одговорија на барањето за коментар на Ројтерс.
Веста за забраната за препродажба се совпадна со напорите на кинеските увозници на ЛНГ да ја избегнат набавката на физичките пазари оваа зима, имајќи предвид дека побарувачката расте на најслабо во последните две децении.
Ова би значело дека водечкиот светски увозник веројатно нема да се натпреварува со погодената од криза Европа, во набавката на важниот извор на енергија, шпекулира Ројтерс.
Кинеската влада соопшти дека значително ќе го зголеми домашниот капацитет за снабдување со енергија и резервниот капацитет за клучните артикли, потврдувајќи го продолжувањето на политиката за обезбедување снабдување и стабилизирање на цените на суровините.