Во говорот на крајот на годината, кога се утврдува стратегиската определба на земјата, севернокорејскиот лидер потворно се заканил со нуклеарни напади на Сеул и наредил забрзани подготовки за војна, која, според неговите зборови, „може да започне во секој момент“ на Корејскиот Полуостров
Севернокорејскиот лидер Ким Џонг Ун ѝ нареди на својата војска да ги уништи Соединетите Американски Држави и Јужна Кореја доколку ја нападнат неговата земја.
Државната новинска агенција КЦНА пренесе дека Ким Џонг Ун ова го изјавил за време на состанокот со највисоките воени команданти на Северна Кореја за време на новогодишната ноќ.
„Доколку непријателот се одлучи за воена конфронтација и провокација против Демократска Народна Република Кореја, нашата армија треба да нанесе смртоносен удар за целосно да ги уништи со мобилизирање на сите најмоќни средства без момент двоумење“,
изјавил Ким Џонг Ун на состанокот со севернокорејските воени команданти.
Во говорот на крајот на годината, кога се утврдува стратегиската определба на земјата, севернокорејскиот лидер потворно се заканил со нуклеарни напади на Сеул и наредил забрзани подготовки за војна, која, според неговите зборови, „може да започне во секој момент“ на Корејскиот Полуостров.
Го обвинил Вашингтон оти воено му се заканува на Пјонгјанг и наредил против Јужна Кореја „да се мобилизираат сите средства и физички сили, вклучувајќи ги нуклеарните“. Рекол дека повеќе не бара помирување и обединување со Јужна Кореја, оценувајќи дека Сеул и Вашингтон произведуваат постојана криза што не може да се контролира.
По ваквите изјави на севернокорејскиот лидер, претседателот на Јужна Кореја, Џун Сук Јол, изјави дека неговата земја ќе се спротивстави на воените провокации на Пјонгјанг благодарение на проширениот систем за одвраќање усовршен заедно со Вашингтон, кој се очекува да биде завршен во првата половина на 2024 година.