Киев нападнат со дронови, жителите повикани во засолништа

Гувернерот на Киевската област Олексиј Кулеба на Телеграм изјави дека е во тек напад со беспилотно летало. Сведок за Ројтерс изјави дека слушнал неколку експлозии и ехо од противвоздушен оган на 20 километри јужно од Киев

Властите во главниот град на Украина, Киев, рано наутро ги повикаа жителите во засолништа, ден по еден од најголемите руски воздушни напади од почетокот на војната во февруари, а според гувернерот на регионот Киев, напад со беспилотно летало е во тек. Предупредувањето до граѓаните градските власти во Киев го соопштија нешто по два часот преку нивниот канал на апликацијата Телеграм додека низ градот одекнуваа сирени.

Гувернерот на Киевската област Олексиј Кулеба на Телеграм изјави дека е во тек напад со беспилотно летало. Сведок за Ројтерс изјави дека слушнал неколку експлозии и ехо од противвоздушен оган на 20 километри јужно од Киев.

Украинскиот претседател Володимир Зеленски на социјалните мрежи изјави дека воздушните сили низ Украина одбиле 54 руски проектили и 11 беспилотни летала тој ден. Тој призна дека повеќето региони во Украина биле погодени од прекини на електрична енергија по новото руско гранатирање, кое повторно ја гаѓаше енергетската инфраструктура.

„Вечерва снема струја во поголемиот дел од Украина. Особено е тешко во регионот на Киев и во самиот главен град, во регионот на Лавов, во Одеса, Херсон и неговата околина“,

рече тој.

Зеленски: Со секој ракетен напад Русија сè повеќе заглавува во ќорсокак, има сè помалку проектили

Русија вчера истрела десетици проектили кон Украина, погодувајќи ги Киев, Лавов и Одеса на запад и други градови низ земјата, во еден од најголемите воздушни напади од почетокот на војната.