На првиот работен ден од својот мандатат тој најави да ќе преземе интензивни мерки со цел за краток период да се нормализира работата и секој граѓанин да може да ги извади личните документи, како што рече во достоинствена постапка
Повторно е создаден хаос во издавањето лични документи, констатира министерот за внатрешни работи Панче Тошковски, при неговата денешна посета на Одделението за управни работи Скопје во зградата на МРТ и пунктот „Пролет“, со која сакаше непосредно да ја утврди фактичката состојба со издавањето на личните документи.
На првиот работен ден од својот мандатат тој најави да ќе преземе интензивни мерки со цел за краток период да се нормализира работата и секој граѓанин да може да ги извади личните документи, како што рече, во достоинствена постапка.
„Многу ми е жал што морам да констатирам дека состојбата со издавањето на лични документи не е онаква каква што ја оставивме, односно во овие три недели откако ја напуштив позицијата министер за внатрешни работи во техничката влада. Наместо да е направен чекор напред, повторно е создаден хаос, работат помал број на шалтери и бројот на луѓе кои чекаат е зголемен“,
вели Тошковски.
Министерството за внатрешни работи, како што вели Тошковски, е сервис на граѓаните, а управните служби се една од клучните области, па затоа, според него, во наредниот период ќе преземат интензивни мерки со цел во краток временски период да ја нормализираат работата и секој граѓанин да извади личен документ во, како што рече, разумен временски рок.