Со воен авион „Спарта“ во Бугарија се пренесени осум лица кои настрадаа во пожарот во Кочани
Бугарија е подготвена да им обезбеди превоз и сместување на членовите на потесните семејства на повредените во пожарот во дискотеката во Кочани кои се испратени на лекување во Софија, Пловдив и Варна, информираат од Амбасадата на Република Бугарија во Скопје.
Ги замолуваме да се обратат во Амбасадата на следните телефонски броеви:
+389 2 32 29 444; +389 2 32 46 491; +389 75 280 013 /мобилен/
Од бугарското Министерство за здравство информираат дека роднините на настраданите во трагичниот настан во Кочани, кои се пренесени на лекување во Бугарија, информации за установата за лекување во која престојуваат нивните најблиски можат да добиваат 24/7 од дежурно лице во Министерството за здравство на Република Бугарија на телефонскиот број 02/ 8050 300.
Со воен авион „Спарта“ во Бугарија се пренесени осум лица кои настрадаа во пожарот во Кочани.
Петмина од нив, како што објавија од бугарското Министерство за здравство, се сместени во УМБАЛСМ „Н. И. Пирогов“, од кои тројца се во тешка состојба, на апарати за дишење.
Како што објави бугарското Министерство, уште тројца со тешки изгореници, ќе бидат лекувани во болницата Варна во Военномедицинска академија.
Како што се најавува, се очекува да бидат пренесени уште шест лица во Бугарија.
Тројца од нив ќе се лекуваат во УМБАЛСМ „Н. И. Пирогов“, а тројца во УМБАЛ Свети Георги – Пловдив.