Јанев пред средбата со Заев: Бугарија нема да ја одобри преговарачката рамка во сегашната форма

Не само привремената влада, туку и парламентот, со својата Декларација од 2019 година, даде јасни упатства каква е бугарската национална позиција, вели привремениот премиер

Не мислам дека Бугарија е во ситуација да отстапи или да направи компромис со својата позиција. Не само привремената влада, туку и парламентот, со својата Декларација од 2019 година, даде јасни упатства каква е бугарската национална позиција“, вели за БНТ привремениот бугарски премиер Стефан Јанев.

Тој вели дека утре ја очекува посетата на македонскиот премиер Зоран Заев, со кого оствари неколку телефонски разговори.

„Предложив да седнеме како соседи, да разговараме и да бараме решение. Ако сега можеме да подготвиме потенцијално решение, по изборот на парламентот решението може да се бара во наредните месеци“ ,

вели Јанев.

Заев од Брисел: Не сме далеку од решение со Софија, ама можеби ќе треба да почекаме да се формира политичка влада

Тој, како што пренесува БГНЕС, е категоричен: „Бугарија нема да ја одобри рамката за преговори со РС Македонија во сегашната форма“.

„Ние нема да го одобриме тоа, бидејќи во моментот нашите услови се под покровителство и под одлука на оваа рамка дадена од парламентот. Привремената влада не е во позиција да направи ваков чекор напред во оваа насока“,

вели привремениот бугарски премиер.

По реферирањето на Османи за преговорите со Бугарија, СДСМ оневозможи кворум зa гласање на заклучоците што ги предложи ВМРО-ДПМНЕ