Веќе сме навикнати да примаме закани поради нашата уредувачка политика, но таква страшна закана дека нашите новинари, уредници и колумнисти ќе завршат како колегите од Шарли Ебдо никогаш досега не се случила“, изјави Драгољуб Петровиќ, главен и одговорен уредник на „Данас“
Известувачот за Србија во Европскиот парламент Владимир Билчик денеска изрази загриженост во врска со заканите до белградскиот дневен весник „Данас“, во кои се вели дека новинарите, уредниците и колумнистите на весникот ќе бидат цел на „салва од куршуми“.
Билчик на својот твитер-профил порача дека како известувач на Србија секогаш ќе се бори за слободни медиуми и заштита на новинарите.
„Секогаш мора да се бориме против насилството и заканите кон новинарите во Европа“,
напиша известувачот за Србија во ЕП.
I am worried about the reported threats against the Danas Daily @OnlineDanas in Serbia. In Europe we must always stand up against violence & threats towards journalists.
— Vladimír Bilčík MEP (@VladoBilcik) November 7, 2022
As @Europarl_EN Standing Rapporteur for 🇷🇸, I shall always fight for free media & protection of journalists.
Вчера на официјалната е-маил адреса на главниот уредник на „Данас“, Драгољуб Петровиќ од имејл адреса threateningaccount@proton.me е испратена порака со закани од „салва од куршуми“ кон новинарите, уредниците и колумнистите на весникотот поради, како што е наведено, уредувачката политика на весникот.
„Веќе сме навикнати да примаме закани поради нашата уредувачка политика, но таква страшна закана дека нашите новинари, уредници и колумнисти ќе завршат како колегите од Шарли Ебдо никогаш досега не се случила“,
изјави Драгољуб Петровиќ, главен и одговорен уредник на Данас, пренесува регионалниот сервис на РСЕ.
Причината за заканата, како што се наведува во мејлот, било известувањето на „Данас“ за теми поврзани со Косово, Република Српска и Црна Гора.
Здружението на новинари на Србија (УНС) вчера ги повика полицијата и Обвинителството за високотехнолошки криминал да утврдат кој стои зад заканите до редакцијата на весникот.
Министерството за внатрешни работи истиот ден потврди дека добило пријава од редакцијата на дневниот весник „Данас“ и дека ќе ги преземе сите мерки за откривање и апсење на лицето кое стои зад заканите.
Претседателот на Србија, Александар Вучиќ, вчера вечер ги осуди заканите до редакцијата на весникот, наведувајќи дека тоа не треба да се случува.
„Оставете ги луѓето нека зборуваат“,
изјави Вучиќ за телевизијата Пинк.