Владата направи измена на Уредбата за поддршка на работодавачите од приватниот сектор погодени од здравствено-економската криза, заради исплата на плати за април и мај, објави министерката за финансии Нина Ангеловска на Фејсбук.
„Флексибилноста, брзата реакција и слухот се клучни во менаџирањето на ваквата кризна состојба. Денеска на владина седница донесовме измена на Уредбата. Делуваме во насока на поддршка на стопанството и задржување на секое работно место“,
пишува во објавата на министерката Ангеловска.
Како што појаснува таа, во насока на заштита на микро и мали фирми се отстранува условот управители и сопственици на бизнисите вработени во нив да не може да ја користат мерката и бројот на вработени треба да го задржат два месеца по користење на мерката, односно до јули 2020.
Повеќе информации за мерката, аплицирањето и условите на следниот линк bit.ly/merka-14500.