За претседател на Комисијата за политички систем е избран пратеникот Љупчо Пренџов, а негов заменик ќе биде пратеникот Јован Јаулевски. Претседател на Законодавно-правната комисија, пак, ќе биде пратеникот Александар Велјановски, а негов заменик пратеникот Бобан Николовски
Собраниската Комисија за прашања на изборите и именувањата на денешната седница избра претседатели и нивни заменици на Законодавно-правната и Комисијата за политички систем.
За претседател на Комисијата за политички систем е избран пратеникот Љупчо Пренџов, а негов заменик ќе биде пратеникот Јован Јаулевски. Претседател на Законодавно-правната комисија, пак, ќе биде пратеникот Александар Велјановски, а негов заменик пратеникот Бобан Николовски.
Според Деловникот на Собранието, изборот на претседател, членови на работните тела во Собранието и нивни заменици се врши од редот на пратениците по предлог на Комисијата за прашања на изборите и именувањата, а врз основа на листата што ја предлагаат пратеничките групи.
Комисијата за политички систем и Законодавно-правната комисија се матични работни тела низ кои треба да поминат предлог-законските решенија за реорганизација на министерствата на предлог на ВМРО-ДПМНЕ пред тие да се најдат на пленарна седница. Од нивното усвојување практично ќе зависи владиниот состав што ќе го предложи идниот мандатар со оглед на тоа што течат роковите за избор на новата влада. ВМРО-ДПМНЕ предлага воведување на неколку нови министерства, но и прегрупирање на дел од сегашните.