По речиси една година откако Уставниот суд работи со намален и недоволен број судии, собраниската Комисија за прашањата и именувањата на 13 мај годинава ја започна процедурата за избор на нови уставни судии, по што денеска тоа прашање ќе се најде на дневниот ред на седницата на Комисијата
Во понеделникот претседателката на Уставниот суд Добрила Кацарска одржа средба со шефот на државата Стево Пендаровски, премиерот Димитар Ковачевски и претседателот на Собранието Талат Џафери во врска со блокадата на изборот на четирите уставни судии, по што изјави дека ако до крајот на годината Судот не биде комплетиран, тогаш на државата и се заканува уставна криза
На дневниот ред на денешната седница на собраниската Комисија за изборите и именувањата ќе се најде изборот на уставните судии. Членовите на Комисијата треба да ги разгледаат биографиите на деветте кандидати за уставни судии – тројца предложени од пратеничкото мнозинство и шест од опозицијата.
Според претседателката на Комисијата за избори и именувања Марија Георгиевска, продолжението на седницата на Комисијата за избор на судиите се одолговлекло поради обврски на членови на Комисијата.
Претседателката на Уставниот суд, пак, Добрила Кацарска во понеделникот одржа средба со шефот на државата Стево Пендаровски, премиерот Димитар Ковачевски и претседателот на Собранието Талат Џафери во врска со блокадата на изборот на четирите уставни судии, по што изјави дека ако до крајот на годината Судот не биде комплетиран, тогаш на државата и се заканува уставна криза.
Од предвидени девет судии, Уставниот суд во моментов работи без четворица судии на кои им истече мандатот. Во ваков нецелосен состав Уставниот суд е околу една година, откако кон крајот на мај лани им истекоа мандатите на тројца судии – Сали Мурати, Елена Гошева и Никола Ивановски. Кон средината на јануари годинава, пак, му заврши мандатот и на судијата Јован Јосифовски.
По речиси една година откако Уставниот суд работи со намален и недоволен број на судии, собраниската Комисија за прашања и именувања на 13 мај годинава ја започна процедурата за избор на нови уставни судии.
Предложени се девет кандидати. Пратениците од власта ги предложија државниот јавен обвинител Љубомир Јовески, граѓанскиот судија во Апелациониот суд во Скопје, Фатмир Скендер и Тања Васиќ Бозаџиева која работи во Министерството за правда како државен советник за граѓанско законодавство.
Пратениците од опозициската ВМРО-ДПМНЕ предложија шест кандидати – универзитетските професори Саво Климовски и Родна Живковска, судијата во пензија Бранко Секуловски, обвинителот Тодор Витларов, судијката од Управниот суд Весна Јовановска и Војислав Димовски, јавен обвинител од Основното јавно обвинителство во Охрид.