Иако и двата табора имаат причина да бараат успех во вчерашните избори, како што наведува Би-би-си, резултатот најверојатно ќе биде значи врата кон нови избори до крајот на годината
Лидерот на шпанската опозициска конзервативна Народна партија (ПП), Алберто Нуњез Фејо, победи на предвремените избори, но не успеа да стигне до посакуваниот резултат. Дури и со поддршка на екстремната десница Вокс, тој нема мнозинство во парламентот.
Двете партии заедно освоија 176 пратенички места (ПП 136, а Вокс 33), што е за седум мандати помалку од апсолутно мнозинство.
Од тие причини, по изборниот ден овации има и во штабот на социјалистите предводени од актуелниот премиер Педро Санчез.
Иако и двата табора имаат причина да бараат успех во вчерашните избори, како што наведува Би-би-си, резултатот најверојатно ќе значи врата кон нови избори до крајот на годината.
Сепак, лидерот на ПП, Фејо, најави дека ќе се обиде да формира влада бидејќи, како што рече, сега тоа е негова должност.
„Шпанците знаат дека од втора сила станавме партија со најмногу гласови. Се надевам дека нема да започне период на неизвесност во Шпанија“,
рече Фејо.
Шпанскиот портал „Ел Еспањол“ објави дека актуелниот премиер Педро Санчез и покрај поразот има шанса да формира влада. Иако шансите се мали, тие предвидуваат дека ќе треба да направи повеќе отстапки затоа што ќе му треба поддршка од тврдокорната партија Заедно за Каталонија која засега изгледа дека не сака да го поддржи.
Иако гласањето беше среде лето, во ден кога температурите во земјата достигнуваа и до 40 степени, како што наведуваат медиумите, излезеноста на вчерашните избори надмина 70 отсто.