По пребројани 83 отсто од гласовите, Партијата за демократска акција (СДА) и Алијансата на независни социјалдемократи (СНСД) освоија најмногу гласови за Парламентарното собрание на БиХ
Централната изборна комисија на БиХ објави ажурирани податоци за изборните резултати за државно и владино ниво.
По пребројани 83 отсто од гласовите, Партијата за демократска акција (СДА) и Алијансата на независни социјалдемократи (СНСД) освоија најмногу гласови за Парламентарното собрание на БиХ.
Кога станува збор за мандатите во ПСБиХ од Федерацијата БиХ, СДА доби 193 711 отсто од гласовите. ХДЗ освои 119 000 гласови, потоа СДП со 102 000, ДФ 77 000, НИП 62 000, а прагот го поминаа и Наша странка и НЕС.
За Република Српска, според прелиминарните резултати, Алијансата на независни социјалдемократи освоила 223 272 гласа или 42,04 отсто.
Српската демократска партија освоила 98 802 гласа или 18,16 отсто.
ПДП има 62 103 или 11,69 отсто од гласовите, За права и црвена листа на Небојша Вукановиќ 28 285 или 5,33 отсто гласови, ДЕМОС 27 295 или 5,14 отсто.
Обединета Српска доби 21 601 или 4,07 отсто, СП 20 181 или 3,80 отсто, СДА 19 763 или 3,72 отсто, ДНС 18 704 или 3,52 отсто, додека останатите партии освоија помалку од еден отсто од гласовите, објавено е на ажурираната листа на ЦИК.