Директорот на Агенцијата за разузнавање, Еролд Муслиу, во најновото издание емисијата „360 степени“ на ТВ Алсат, беше прашан дали во земјава навистина постојат политички партии кои се под директно руско влијание откако премиерот Димитар Ковачевски неодамна изјави дека дел од опозицијата „по цел ден е на телефон со Русија“.
Еве што одговори Муслиу:
„Дел од хибридното делување е да се остварува и политичко влијание во одредена зона. Значи, да се влијае во политички партии, дали во креирањето на мислењето на граѓаните – тоа е еден дел од алатката. Меѓутоа, сепак, политичкото организирање во нашата држава е уставно право на секого, но од позиција на директор на Агенција за разузнавање треба да потенцирам дека членството во политичка партија никому не му овозможува чадор за имунитет. Контактите со странски разнузнавачки служби, работењето во интерес на странски хибридни стратегии, контакти со терористички организации, со наркокарели, никого не прават недопирлив, ниту за законот ниту пак како таргет на Агенцијата за разузнавање.”