Со измените предложени од коалициската влада се предлага до средината на јануари да се укине специјалното обвинителство кое се занимава со тешки кривични дела како што се корупцијата, организираниот криминал и екстремизмот
Илјадници луѓе денеска повторно излегоа на улиците низ градовите во Словачка да го изразат својот револт против планот на новата влада на премиерот Роберт Фиц за измена на Кривичниот законик, за кој треба да расправа парламентот, каде владејачката коалиција има мнозинство.
Со измените предложени од коалициската влада се предлага до средината на јануари да се укине специјалното обвинителство кое се занимава со тешки кривични дела како што се корупцијата, организираниот криминал и екстремизмот.
Тие случаи би ги преземале обвинителите во подрачните канцеларии кои 20 години не се занимаваат со такви кривични дела.
Лидерот на Напредна Словачка, најсилната опозициска партија, Михал Шимечка изјави дека најавените измени ќе донесат „амнестија за мафијата и корумпираните луѓе“.
„Мора да им покажеме дека ќе ја браниме правдата“,
рече Шимечка.
Протестите се интензивираа на 7 декември кога луѓето излегоа на улиците на Братислава, а денеска се протестираше во 11 градови.