И во следните денови подрачјето на нашата земја ќе биде под влијание на влажен и нестабилен воздушен бран, што ќе услови променливо облачно, посвежо и нестабилно време, на повеќе места со пороен дожд и грмежи. Локално, претежно во попладневните часови, ќе има поинтензивни процеси во форма на невреме
Времето и денеска ќе биде прoменливо облачно и нестабилно, особено во попладневните часови на повеќе места со пороен дожд и грмежи.
Според УХМР, локално ќе има појава на невреме со пообилен дожд за кратко време, силни електрични празнења, силен ветер и услови за појава на град.
Минималната температура ќе биде во интервал од 13 до 20, а максималната ќе достигне од 25 до 32 степена. УВ индексот ќе биде пет.
Во Скопје, исто така времето ќе биде променливо облачно, попладне со пороен дожд, грмежи и засилен ветер. Во делови од котлината ќе има појава на краткотрајно невреме со интензивен пороен дожд, силен ветер и електрични празнења. Минималната температура ќе се спушти до 17, а максималната ќе достигне 28 степени.
Вчера во краткотрајното невреме во Скопје предизвикани се извесни штети, а од она што е пријавено главно се во населбите Карпош 1, Козле и Центар. Центарот за управување со кризи вчера извести и за пријавени штети во Чашка и Велес.
Утрово од ЦУК на нивната фејсбук-страница соопштија дека до 07.00 часот нема новопријавени штети.
Нема новопријавени штети од невремето по 19.00 часот на 20.08.2022
И во следните денови подрачјето на нашата земја ќе биде под влијание на влажен и нестабилен воздушен бран, што ќе услови променливо облачно, посвежо и нестабилно време, на повеќе места со пороен дожд и грмежи. Локално, претежно во попладневните часови, ќе има поинтензивни процеси во форма на невреме.