Под контрола е ставен пожарот во Општина Студеничани, помеѓу селата Драчевица и Цветово, на местото „Калдиред“, каде е опожарена ниска вегетација
Вкупно 39 пожари на отворен простор биле регистрирани во изминатото деноноќие на територијата на државата, соопшти утрово Центарот за управување со кризи (ЦУК).
Според кусиот извештај, заклучно со 7:30 часот утрово, три од пожарите и понатаму се активни, еден е под контрола, додека останатите 35 се изгаснати.
Од активните пожарите, еден е на територијата на Општина Чашка, во атарот на селото Јаболчиште, кај местото викано „Биков Гроб“, каде горат букова и дабова шума, кривуљ и ниска вегетација. Другиот пожар е оној во Општина Липково, на местото „Гури Ќук“ кај селото Стрима, каде неколку дена од оган е зафатена борова и нискостеблеста шума.
И понатаму е активен пожарот на подрачјето на Општина Дебар, кај селото Горно Косоврасти, на местото викано „Крушно и Вложно“, каде гори мешана шума.
Под контрола е ставен пожарот во Општина Студеничани, помеѓу селата Драчевица и Цветово, на местото „Калдиред“, каде е опожарена ниска вегетација.
Останатите 35 пожари, кои се изгаснати, биле регистрирани во повеќе општини, а претежно гореле ниска вегетација, нискостебелста шума, стрништа, ѓубре и депонии.