На Божиќната миса во Ватикан, според медиумите, присуствувале околу 7 000 верници, вклучувајќи и туристи
Поглаварот на Римокатоличката црква, папата Франциск, на Божиќната миса во базиликата „Свети Петар“ во Ватикан ги повика на скромност луѓето кои копнеат за богатство и моќ на сметка на ранливите.
Папата Франциск ги осуди војната, сиромаштијата и „алчниот консумеризам“.
„Mажите и жените во нашиот свет, во глад за богатство и моќ, ги голтаат дури и своите соседи, нивните браќа и сестри“,
рече меѓу другото папата Франциск на Божиќната миса.
Тој во мисата рече „Колку војни видовме! И на колку места, дури и денес, со презир го третираат човечкото достоинство и слобода“.
За време на мисата, тој не ја спомна експлицитно војната во Украина, ниту некој друг конфликт.
Папата особено посочи дека треба да им се помогне на најранливите, особено на децата.
„И овој Божиќ светот кој е гладен за пари, моќ и задоволство не остава простор за најмалите, за толку многу неродени, сиромашни и заборавени деца“,
рече Папата.
На Божиќната миса во Ватикан, според медиумите, присуствувале околу 7 000 верници, вклучувајќи туристи и верници.