Хеликоптерот на МВР повлечен од гаснењето на пожарот во Визбегово поради ветрот и густиот чад

За гаснење на пожарот, покрај полицискиот хеликоптер, вклучен е и „ертрактор“ на Дирекцијата за заштита и спасување (ДЗС), како и повеќе возила на Бригадата за противпожарна заштита на Град Скопје и на ЈП „Комунална хигиена“

Хеликоптерот на Министерството за внатрешни работи што беше упатен да помага во гаснењето на пожарот кај Визбегово е повлечен во базата, информираат оттаму.

Причина за повлекувањето на хеликоптерот е засилениот ветер и густиот чад.

Пред да биде повлечен, хеликоптерот извршил неколку фрлања на вода.

За гаснење на пожарот, покрај полицискиот хеликоптер, вклучен е и „ертрактор“ на Дирекцијата за заштита и спасување (ДЗС), како и повеќе возила на Бригадата за противпожарна заштита на Град Скопје и на ЈП „Комунална хигиена“.

Пред да биде интервенирано од страна на ДЗС и МВР, локалното население со помош на камиони и багери го расчистуваа околниот отпад од старо железо и гуми кој сѐ уште не беше зафатен од пожарот, по што полицијата целосно го забрани пристапот до местото. 

Пожарот беше пријавен во СВР Скопје утринава во 9:16 часот. Тој настана на отпад за старо железо.

Пожарот во Визбегово се гаси од воздух, ако има потреба ќе се евакуираат жителите од околните куќи, велат од ЦУК

Во пожарот горат хаварисани возила, на кои имало монтирани плински уреди и од кои на терен се слушаат детонации.

Досега не се зафатени околните куќи.

При гаснење на пожарот е повредено едно лице, кое веднаш е пренесено на укажување лекарска помош.

Едно лице е повредено при гаснење на пожарот во Визбегово

Од МВР рекоа дека е приведено лицето кое е сопственик на отпадот.

Приведен е сопственикот на отпадот што гори во скопско Визбегово