Огнената стихија, пренесува МИА, брзо се шири и стигна до фабриката за вода за пиење и до куќите во нејзина близина со што ја загрозува безбедноста на неколку населби во североисточниот дел на градот
Од Територијалната противпожарна единица во Кочани информираат дека дејствуваат со сите расположливи човечки и материјални ресурси, но проблем е што огнената линија е раширена во пречник од околу десетина километри
Два хеликоптера на Армијата полетаа од базата во Скопје кон Кочани за да се вклучат во гаснењето на пожарот кој се шири кон куќите во северниот дел на градот, објавија од Општина Кочани.
Во гаснењето на огнот се вклучени и противпожарните единици, јавните претпријатија, полицијата и други државни служби, како и месното население.
Дописникот на државната агенција МИА, попладнево јави дека ветрот и сувата вегетација „помогнале“ пожарот повторно да се активира откако изутрината тој бил ставен под контрола.
Огнената стихија, пренесува МИА, брзо се шири и стигна до фабриката за вода за пиење и до куќите во нејзина близина со што ја загрозува безбедноста на неколку населби во североисточниот дел на градот.
Од Територијалната противпожарна единица во Кочани информираат дека дејствуваат со сите расположливи човечки и материјални ресурси, но проблем е што огнената линија е раширена во пречник од околу десетина километри. Интервенцијата е отежната и поради стрмниот терен до кој не може да се пристапи со противпожарните возила.