Администрацијата на американскиот претседател Доналд Трамп неодамна соопшти дека замрзнува повеќе од 2 милијарди долари федерални средства наменети за финансирање на универзитетот „Харвард“
Американскиот универзитет Харвард поднесе тужба до администрацијата на американскиот претседател Доналд Трамп поради заканата дека ќе го намали финансирањето на оваа високообразовна институција, пренесува „Њујорк тајмс“.
Претседателот на „Харвард“, Алан Гарбер, го обвини Стејт департментот дека се обидува да воспостави „невидена и несоодветна контрола“ врз универзитетот и предупреди дека последиците од дејствијата на владата ќе бидат „тешки и долготрајни“.
„Поднесовме тужба за да го запреме замрзнувањето на финансирањето бидејќи тоа е незаконско и надвор од овластувањата на владата“,
рече тој.
Во тужбата, поднесена до федералниот суд во Масачусетс, владата е обвинета дека започнала широк напад за стекнување контрола врз академското одлучување на Харвард.
Харвард е првиот универзитет што поднесе тужба како одговор на мерките на Трамп.
Администрацијата на Трамп сè уште не излезе со официјален став околу оваа правна постапка.
Администрацијата на американскиот претседател Доналд Трамп неодамна соопшти дека замрзнува повеќе од 2 милијарди долари федерални средства наменети за финансирање на универзитетот „Харвард“.
Белата куќа испрати список со барања до „Харвард“, за кои рече дека се направени за борба против антисемитизмот на кампусот. Тие вклучуваат промени во неговото управување, практики за вработување и процедури за прием на Универзитетот.
Раководството на Универзитетот ги отфрли барањата на Белата куќа посочувајќи дека тоа е обид да се контролира неговата заедница.