Според договорот, за време на четиридневното примирје, кое засега се почитува од двете страни, Израел се обврза да ослободи 150 Палестинци од затворите, во замена за 50 заложници што ги држи Хамас во Газа
Милитантите на Хамас ја ослободија првата група од 13 израелски заложници согласно договорот за четиридневно примирје со Израел, јавија светските медиуми.
Групата од 13 жени и деца кои беа држени од Хамас во Појасот Газа биле предадени на екипи на Црвениот крст, кои ги пренеле преку преминот Рафах во Египет, каде што биле пречекани од израелски војници.
Тие со амбулантни возила и хеликоптери се пренесени во израелските болници на лекарски прегледи за проценка на нивната здравствена и психолошка состојба.
Израелските одбранбени сили (ИДФ) ги објавија имињата на ослободените заложници, соопштувајќи дека тие се на израелска територија и се придружувани од специјалните сили и Шин Бет (израелската безбедносна служба) додека не се обединат со своите семејства.
The 13 Israeli hostages released from Hamas captivity: Margalit Moses, Adina Moshe, Danielle Aloni and her daughter Emilia, Doron Asher and her daughters Raz and Aviv, Hanna Katzir, Keren Munder and her son Ohad, Ruti Munder, Yaffa Adar, and Hannah Perry pic.twitter.com/x7uiizXdAB
— Emanuel (Mannie) Fabian (@manniefabian) November 24, 2023
„Тие се дома. Специјалните сили на ИД и силите на АСО во моментов се со ослободените заложници. Тие ќе продолжат да бидат придружувани од војници на ИД додека патуваат до израелските болници, каде што ќе бидат повторно обединети со нивните семејства. ИД, заедно со целиот израелски безбедносен естаблишмент, ќе продолжи да дејствува додека сите заложници не се вратат дома“,
се наведува во соопштението на израелската војска на социјалната мрежа „Икс“.
They’re home.
— Israel Defense Forces (@IDF) November 24, 2023
IDF Special Forces and ISA Forces are currently with the released hostages. They will continue to be accompanied by IDF soldiers as they make their way to Israeli hospitals, where they will be reunited with their families.
The IDF, together with the entire Israeli…
Претходно, Минитерството за надворешни работи на Катар потврди дека се ослободени вкупно 24 заложници од Газа.
Покрај 13 израелски државјани, меѓу ослободените заложници од Хамас се и 10 државјани на Тајланд и еден филипински државјанин.
Денеска портпаролот на Министерството за надворешни работи на Катар, Маџид ал Ансари, на социјалната мрежа „Икс“ соопшти дека од нивна страна се ослободени 39 жени и деца кои беа држени во израелските затвори, со што Израел ги исполнил обврските на првиот ден од четиридневното примирје, кое стапи во сила денеска наутро.
كما نؤكد الإفراج عن ٣٩ من النساء والأطفال المحتجزين في السجون الإسرائيلية تطبيقا لالتزامات اليوم الأول من الاتفاق.
— د. ماجد محمد الأنصاري Dr. Majed Al Ansari (@majedalansari) November 24, 2023
Инаку, на ослободувањето на притворените Палестенци му претходеше инцидент во кој израелските сили употребија водени топови за растерување на насобраните пред затворот „Офер“ во Рамал, кои ги очекуваа своите најблиски.
Според договорот, за време на четиридневното примирје, кое засега се почитува од двете страни, Израел се обврза да ослободи 150 Палестинци од затворите, во замена за 50 заложници што ги држи Хамас во Газа.
Размената на заложници се следи од официјални претставници на Белата куќа во Вашингтон, а трансферот го надгледува и израелскиот премиер Бенјамин Нетанјаху заедно со министерот за одбрана Јоав Галант од командниот центар на израелската војска.
Натанјаху во видеоизјава го поздрави ослободувањето на заложниците.
„Штотуку го завршивме враќањето на првата група од нашите заложници: децата, нивните мајки и други жени. Секој од нив е цел свет“,
изјави Нетанјаху, додавајќи дека израелската влада е посветена на враќање на сите заложници.
Prime Minister Benjamin Netanyahu:
— Prime Minister of Israel (@IsraeliPM) November 24, 2023
“We just completed the return of the first of our hostages: children, their mothers and additional women. Each of them is an entire world. pic.twitter.com/fDMqAVlicM
Во нападите на Хамас врз Израел на 7 октомври, по што почна воената криза на Блискиот Исток, според израелските власти, загинаа 1 200 луѓе, а 240 беа земени како заложници. Министерството за здравство во Газа, кое е под контрола на Хамас, соопшти дека во израелските воздушни копнени операции во Газа оттогаш до денес се убиени повеќе од 14 000 луѓе.