Американската агенција Асошиејтед Прес во понеделникот објави дека грчките граничари прават заглушувачки звук од блиндирано возило на границата со Турција
Европската унија изрази загриженост во врска со употребата на уред кој имитира звук на топ што го користат грчките власти зада ги исплашат мигрантите, за тие да се оддалечат од нејзината граница.
Брисел се сомнева дали употребата на уредот е спротивна на законот на ЕУ за основните права.
Американската агенција Асошиејтед Прес во понеделникот објави дека грчките граничари прават заглушувачки звук од блиндирано возило на границата со Турција.
Таканаречениот „звучен топ“, кој има долг дострел, е дел од експерименталната опрема што Грција ја тестира долж границата со Турција со цел да спречи нелегален влез во ЕУ.
Портпаролот на Европската комисија Адалберт Јанц вели дека „со загриженост се гледа на извештаите објавени во медиумите во врска со системот ‘звучен топ’ и дека ќе побара од Атина информации за неговата употреба.