Грчката полиција денеска употреби солзавец против мигрантите и бегалците од кампот Морија, кои протестираат на островот Лезбос, четири дена по избивањето на пожарот во кој беше уништен кампот.
Ситуацијата ескалира кога неколку стотини мигранти извикувајќи „Слобода“ маршираа кон пристаништето Митилени, кое беше блокирано од полицијата, барајќи да го напуштат Лезбос.
Демонстрантите се противат на изградбата на нов бегалски камп, и бараат да бидат пуштени да заминат од островот. По Двата подметнати пожари, грките васти воведоа забрана за движење.
Во кампот Морија има речиси 13 илјади мигранти, иако тој бил предвиден да прими само 3 000 лица.
Освен мигрантите, и локалните жители се противат на изградбата на нов камп, па го блокираат патот за да спречат испорака на стоки и намирници.
Сепак, грчката војска веќе почна да поставува нова шаторска населба за мигрантите и бегалците.
Во два пожари изминатата недела, изгоре целокупната инфраструктура во кампот. Се смета дека се подметнати од лица кои одбиле да бидат сместени во карантин, откако биле дијагностирани со ковид.