„Ние имаме градоначалници од минатото кои што четири години ги поминаа во хибернација мандатите, кои што ги преспаа народски кажано мандатите и нема никаква казна, казната единствена е изборите. Мора да има да се воведе механизам со кој што и порано може да дојде до одговорност. Не зборувам само за кривична одговорност, но за одговорност кај градоначалниците и на тој начин да се регулира неговото работење или неработење“, вели Ѓорѓиевски во интервју за Радио Слободна Европа
Преголема е моќта на градоначалниците и таа треба да се ограничи. Здружението на единиците на локална самоуправа (ЗЕЛС) ќе работи на измени во Законот за локална самоуправа со цел механизам за смена на градоначалник, вели во интервју за Радио Слободна Европа претседателот на ЗЕЛС и градоначалник на општина Кисела Вода, Орце Ѓорѓиевски.
„Сега е најизразен проблемот во Скопје. Утре ден може да биде изразен проблемот во која било скопска општина. Не може еден човек поради за него разбирливи причини или каква било фрустрација да држи заложници цел град, цела општина и така натаму. Градоначалниците, јас поаѓам од себе си, согласно постоечките закони за локална самоуправа, се недопирливи, се презаштитени“,
вели Ѓорѓиевски во интервјуто.
Тој потенцира дека градоначалник може да се смени само на избори и смета дека треба да се ограничи нивната моќ.
„Ние имаме градоначалници од минатото кои што четири години ги поминаа во хибернација мандатите, кои што ги преспаа народски кажано мандатите и нема никаква казна, казната единствена е изборите. Мора да има да се воведе механизам со кој што и порано може да дојде до одговорност. Не зборувам само за кривична одговорност, но за одговорност кај градоначалниците и на тој начин да се регулира неговото работење или неработење,
изјави Ѓорѓиевски.
На прашањето, дали тој ќе биде следниот градоначалник на Скопје, Ѓеорѓиевски вели дека тоа зависи од повеќе фактори, но дека би бил добар градоначалник на главниот град, дека не се плаши од работа и дека може многу да придонесе за него.
„Тоа зависи од повеќе фактори. Мене приоритет во моментов ми е да ги дореализирам сите проекти кои што сум се обврзал пред моите сограѓани да ги реализирам, а де факто најголем дел од проектите ми се реализирани. Логички е и нормално секој човек да има амбиција, особено во политиката, да сработи и остави резултати зад себе. Доколку сметаат граѓаните дека јас добро ја водам општината, секако ќе има анкети во нашата политичка партија, доколку одлучат граѓаните за тоа, притоа и телата на нашата политичка партија, Централен комитет, Извршен комитет и секако претседателот на партијата, мислам дека би бил добар градоначалник на Скопје. Не се плашам од работа и сметам дека можам да придонесам многу за градот Скопје“,
вели градоначалникот на Кисела Вода.