Секоја компанија врз основа на сопствените внатрешни анализи треба да утврди кои цени ќе ги има на пазарот, а понудата и побарувачката тоа финално треба да го завршат бидејќи тоа е европски начин, логичен, разумен и рационален пристап, смета претседателот на Агробизнис комората при Сојузот на стопански комори
Претседателот на Агробизнис комората при Сојузот на стопански комори Горан Ѓорѓиевски, денеска одговарајќи на новинарско прашање дали ќе има зголемување на цената на лебот, посочи дека цената на струјата е еден инпут кој учествува во финалниот производ и оти најголем импут за кој треба да се разговара се човечките ресурси.
„Ако електричната енергија за бизнисот се покачува нормално тоа е поголем инпут и тогаш секоја компанија ќе си направи пресметки дали треба да ги зголеми цените или не“,
рече Ѓорѓиевски.
Секоја компанија врз основа на сопствените внатрешни анализи треба да утврди кои цени ќе ги има на пазарот, а понудата и побарувачката тоа финално треба да го завршат бидејќи тоа е европски начин, логичен, разумен и рационален пристап, додаде тој.
„Пазарот, понудата и побарувачката, конечно треба да ги одредуваат цените. Не сме во советско-социјалистичко време каде некој ќе одлучи и ќе преземе некои чекори на товар на приватните прави субјекти. Лошите економски политики што ги водеше минатата влада за која сме сведоци катастрофално се одразија врз бизнисите во насока на тоа дека две години ковид немаше скоро никаква помош, финансиска криза, потоа енергетска криза каде голем дел од компаните моравме да купуваме струја 600, 700, 800 евра по мегават час и за што немавме помош од државата, за разлика од компаниите во соседството кои имаа гарантирана цена од 80 евра за мегават час, придонесе компаниите да се во мошене сложена и тешка состојба“,
рече Ѓорѓиевски нагласувајќи дека замрзнувањето на цените била погрешна мерка која удрила само на грбот на бизнисите.
Коментирајќи ги изјавите на претседателот на Регулаторната комисија за енергетика Марко Бислимоски во однос на влијанието на новата цена на струјата врз цената на лебот, Ѓорѓиевски рече дека Бислимоски е претседател на РКЕ и не е поврзан со агросекторот и прехранбената индустрија.
Претседателот на ССК Трајан Ангелески, пак, порача дека треба да се променат критериумите за префрлање на малите потрошувачи на слободниот пазар на енергија. Времето на социјализмот, посочи тој, е завршено и на малите компании треба да им се овозможи да имаат пристап кон слободниот пазар. а на суровините и увозот на суровините, рече Ангелевски.
Претседателот на Регулаторната комисија за енергетика (РКЕ) Марко Бислимоски денеска рече дека големите пекарски компании се законски обврзани да обезбедуваат електрична енергија на слободниот пазар и тие не смеат да бидат снабдувани од „ЕВН хоум“. Тој ги оцени како лажни вести информациите од претставници на пекарската индустрија дека тие во голем дел зависеле од домашното производство и оти со растот на цената на струјата ќе се зголеми и цената на лебот.