Универзитетската клиника за гинекологија и акушерство во Скопје (ГАК) упатува апел до пациентките кои имаат закажано преглед преку „Мој термин“ да се јават само во исклучително нужна и итна ситуација со цел намалување на приливот на пациенти, редуцирање на метежот во амбулантите и превенирање од ширење на коронавирусот.
„Заради утврдување на итноста од преглед на пациентките, ГАК ќе испрати циркуларно писмо до матичните гинеколози кои ќе треба да прават строга селекција на итност, согласно состојбите на пациентките. Службата за известување при ГАК телефонски ќе ги информира пациентките за откажување прегледи кои не подразбираат итно доаѓање на Клиниката за преглед“,
стои во соопштението од Управата на ЈЗУ У ГАК.
Апелот особено важи за пациентки над 65-годишна возраст, кои се најранливи од евентуална зараза од коронавирусот.