Ова е година на голема криза која сериозно го погоди и намали буџетот на општината и затоа единствениот начин да заштедиме и инвестираме е токму преку отстранување на непродуктивните трошоци кои служат за лични привилегии, вели градоначалникот на Центар
Општина Центар во изминатата година потроши нула денари за угостителски услуги и нула денари за трошоци и патувања во странство, односно, општината заштеди повеќе од 700 000 денари колку што се предвидените буџети за патувања и угостителски трошоци, информираат од Општина Центар.
„Градоначалникот Горан Герасимовски вети одговорно и домаќинско работење и со општинската администрација тоа го исполнува. Општина Центар во првата година од мандатот на градоначалникот Герасимовски реализираше многубројни настани и проекти, започна капитални инвестиции со кои ќе ги подобрува условите за живот на граѓаните и ги зголемува можностите за социјален и економски развој“,
се наведува во соопштението.
Градоначалникот Герасимовски додава дека сите непродуктивните трошоци кои служат за лични привилегии не се одлика на општината.
„Ова е година на голема криза која сериозно го погоди и намали буџетот на општината и затоа единствениот начин да заштедиме и инвестираме е токму преку отстранување на непродуктивните трошоци кои служат за лични привилегии“,
смета Герасимовски.