Гази Баба во моментов е скопската општина со најголем број активни случаи откако до вчера на прво место веќе подолг период беше Аеродром.
Според податоците на Министерството за здравство, во моментов во Гази Баба има 1 323 активни случаи, а со неколку случаи помалку е Аеродром – 1 318.
На територијата на цело Скопје, пак, има 9 059 активни во моментов.
Покрај Гази Баба и Аеродром, над илјада активни има во уште три општини: Карпош – 1 160, Кисела Вода – 1 109 и Центар 1 105.
Понатаму, високи бројки има и во Ѓорче Петров – 742, како и во Чаир – 565. Бутел во моментов е со 477 активни случаи.
Со трицифрени бројки се и: Илинден – 226, Шуто Оризари – 153, Сарај – 129, Петровец – 111, Чучер Сандево 101.
Во Сопиште има 61 активен, Зелениково – 60, Студеничани – 41 и Арачиново – 32.
Во главниот град има и 160 странци позитивни на ковид-19.
Од вкупниот број на активни случаи, 184 сè уште не се распоредени по општини со оглед дека не се завршени епидемиолошките анкети.