Вчера иранските власти ги затворија сите училишта и високообразовни институции во ирански Курдистан, што се толкува како знак на загриженост кај властите во Техеран поради протестите што траат со недели
Снимки објавени на социјалните мрежи сведочат за протести во десетици ирански градови, на кои учествуваат стотици средношколци и студенти и покрај употребата на солзавец, палки и во голем број случаи боева муниција од страна безбедносните сили, велат извештаите на групи за заштита на човековите права
Ученици во Иран вчера биле уапсени од безбедносните сили во земјата кои пристигале со комбиња без регистарски таблички и влегувале во училишните згради, пишува „Гардијан“ повикувајќи се на објави на социјалните мрежи, додека протестите кои избувнаа по смртта на дваесет и двегодишната Махса Амини влегуваат во четвртата недела.
Британскиот дневен весник објави дека добил потврда за апсењето на учениците. Имено, Матин дваесетгодишна студентка по технологија од Рашт, изјавила дека нејзиното семејство е загрижено за судбината на нејзината сестра, Назнин (16).
„Братот на мајка ми ни се јави утрово и нè повика да го земеме Назнин од училиште. Тој има пријатели во медиумите кои го предупредиле дека ученички и момчиња од Бандар Абас биле уапсени од силите за репресија. Моите родители во паника ја собраа сестра ми од училиште откако вујко ми ги замоли да го сторат тоа што поскоро и рече дека полицијата може да влезе во училиштата“,
рекла Матин.
Вчера иранските власти ги затворија сите училишта и високообразовни институции во ирански Курдистан, што се толкува како знак на загриженост кај властите во Техеран поради протестите што траат со недели.
Снимки објавени на социјалните мрежи сведочат за протести во десетици ирански градови, на кои учествуваат стотици средношколци и студенти и покрај употребата на солзавец, палки и во голем број случаи боева муниција од страна безбедносните сили, велат извештаите на групи за заштита на човековите права.
Security forces today (Oct9) attacked multiple schools in Iran trying to arrest schoolgirls: @1500tasvir. Schools have turned into a hotbed of protests. Rights group @iranhr: 185 protestors been killed, 19 children among them. #مهسا_امینی pic.twitter.com/vudGGWvqQm
— Khosro Kalbasi Isfahani (@KhosroKalbasi) October 9, 2022
Техеран негира дека на протестите полицијата користи боева муниција против демонстрантите.
Во саботата главниот ирански информативен канал бил накратко цел на хакерски напад, програмата била прекината, а место неа биле прикажани слики и пораки за поддршка на протестите.
Полуофицијалната новинска агенција Тасним потврди дека преносот на вести на државната телевизија „бил хакиран на неколку моменти од антиреволуционерни агенти“.
Инаку, размерите на протестите се спорни, а владини претставници тврдат дека медиумите поддржани од Западот даваат лажна слика за собири кои брзо се распуштаат откако ќе пристигнат безбедносните сили. Сепак, групата за човекови права во Иран со седиште во Норвешка во саботата соопшти дека најмалку 185 луѓе, вклучително и најмалку 19 деца, се убиени во демонстрациите низ целата земја. Социјалните мрежи покажаа големи, но не и огромни толпи кои го осудуваат режимот во Техеран.
Поддржувачите на протестите, кои беа поттикнати од смртта на Амини, откако беше уапсена од полицијата за морал во Техеран поради неправилно носење хиџаб, велат дека истрајноста и автентичноста на демонстрациите ја покажуваат длабочината на отуѓеноста на младите од постарите, како и реакционерната владејачка класа која не е во допир со нивните вредности и ставови.
И покрај сликите од комбиња кои пристигнуваат во училиштата, иранскиот министер за образование Мохамад Махди Казем изјавил дека дека не биле издадени наредби за рации во во училиштата. Тој рече дека се контактираат родителите на учениците вклучени во протестите.
Семејствата, исто така, ги повикаа своите деца да избегнуваат споделување слики и видеа од протестот, особено на Твитер.
Германската министерка за надворешни работи Аналена Бербок повика на конкретни активности против одговорните за насилното задржување на протестите во Иран, пренесува Би-би-си.
Бербок изјавила дека Германија ќе ги преземе сите потребни мерки за воведување финансиски санкции кон Иран и забрани за влез.
Таа, како што наведува Би-би-си, изјавила дека оние што тепаат жени и девојки на улица стојат на погрешната страна на историјата.
Министрите за надворешни работи на ЕУ се очекува на 17 октомври да одлучат за санкции против Иран, наведува новинската агенција Ројтерс.
Говорејќи за германски весник, Баербок ги критикувала и оние што ги осудуваат на смрт луѓето кои не сакаат ништо друго освен да живеат слободни.
„Ние стоиме покрај вас и ќе продолжиме да го правиме тоа“,
порачала Бербок.
Вчера министерството за надворешни работи на земјава апелираше до сите државјани на Република Северна Македонија да се воздржат од патување во Исламската Република Иран поради масовните и насилни протести во различни делови од земјата, а особено во Техеран.