Габриел Бајрам доби три месеци казна затвор откако призна вина за насилство врз вработен во кафеана

Неговиот син, кој исто така учествувал во инцидентот, доби условна казна затвор од три месеци која нема да се реализира доколку во рок од една година не стори ново кривично дело

Советникот во Град Скопје и син на починатиот пратеник Амди Бајрам, Габриел Бајрам, доби казна затвор од три месеци, откако пред Кривичниот суд во Скопје ја призна вината за сторено насилство во угостителски објект во Скопје, потврдија за МИА од судот.

Кривичната пријава за Бајрам беше поднесена откако на семејна веселба во угостителски објект во Скопје, заедно со неговиот син, повредил еден од вработените и го кршел инвентарот во објектот.

Изречен притвор за Габриел Бајрам – претепал вработен во кафеана зашто не му дал да крши чинии

Неговиот син, кој исто така учествувал во инцидентот, доби условна казна затвор од три месеци која нема да се реализира доколку во рок од една година не стори ново кривично дело.

Бајрам, кој веќе помина еден месец во притвор во затворот во Шутка, правосилноста на одлуката ќе ја чека во домашен притвор.