Македонскиот тим ќе го предводи најдобриот стрелец во историјата на македонскиот фудбал – Горан Пандев, а за тимот од Бугарија, меѓу другите, ќе игра и еден од најголемите бугарски фудбалери на сите времиња – Христо Стоичков
Истакнати фудбалери од Македонија и од Бугарија ќе одиграат хуманитарен натпревар за помош на настраданите од пожарот во Кочани. Мечот ќе се одигра на 27 април, а е во организација на бугарската фондација „Национали 94“ и Општина Варна. Собраните средства ќе се донираат за лекување на повредените од пожарот во Кочани.
Македонскиот тим ќе го предводи најдобриот стрелец во историјата на македонскиот фудбал – Горан Пандев.
Своето учество во тимот на фудбалери од Бугарија го потврдија Христо Стоичков, Борислав Михајлов, Емил Кременлиев, Златко Јанков, Емил Костадинов, Јордан Лечков, Наско Сираков, Даниел Боримиров, Пламен Николов, Бончо Генчев, Ивајло Јорданов, Илијан Кирјаков, Петар Михтарски, Петар Александриков, Георги Георгиев, Красимир Балаков и Ивајло Андонов.
На натпреварот за Бугарија ќе настапат и поранешните репрезентативци Радостин Станев, Елин Топузаков, Гошо Гинчев, Станислав Ангелов, Дончо Донев, Александар Александров-Кривија, Мартин Камбуров и Валери Божинов.
Инаку, бугарската фондација „Национали 94“, во чија организација е натпреварот, е составена од фудбалските легенди кои настапија на Светското првенство во 1994 во САД.