Случајот против Башар Асад датира од 2013 година, кога Сирискиот центар за медиуми и слобода на говор го обвини претседателот на Сирија дека употребил забрането хемиско оружје во градот Дума, при што убил повеќе од 1 000 луѓе
Франција издаде налог за апсење на претседателот на Сирија, Башар Асад по истрага за употребата на хемиско оружје врз цивили во неговата држава, пренесува Си-eн-eн.
Двајца судии издале четири налози за апсење на Асад, неговиот брат Махер и уште двајца високи претставници од неговиот кабинет, со обвинување за соучество во злосторство против човештвото и воени злосторства.
Се работи за прв ваков налог против актуелен претседател.
Си-eн-eн пренесува дека се очекува да биде издаден „црвен аларм“ од страна на Интерпол, што значи лоцирање и екстрадиција на оној за кој е издаден налогот.
Случајот против Башар Асад датира од 2013 година, кога Сирискиот центар за медиуми и слобода на говор го обвини претседателот на Сирија дека употребил забрането хемиско оружје во градот Дума, при што убил повеќе од 1 000 луѓе.
Според основачот на Сирискиот центар за медиуми и слобода на говор, Мејзен Дарвиш, оваа пресуда на Франција претставува „историски правен преседан“.
„Ова е победа за жртвите, нивните семејства и преживеаните и чекор кон правда и одржлив мир во Сирија“,
изјави Дарвиш.
Башар Асад неколкупати е обвинет и често е критикуван за извршување воени злосторства, но неговата влада секогаш инсистира дека се бори против терористи и секогаш негира употреба на хемиско оружје.