Франција сè уште не може да потврди дали Русија повлекува дел од војниците од границата со Украина, но ако информациите се точни тоа би бил позитивен знак, изјави портпаролот на француската влада Габриел Атал.
„Ако се потврди, ова е добра работа. Ова покажува дека можеме да го продолжиме дијалогот, дека патот на дипломатијата е пат по кој можеме да се движиме понатаму“,
рече Атал.
Руското Министерство за одбрана претходно соопшти дека некои војници во воените области на земјата во непосредна близина на Украина се враќаат во своите бази по завршувањето на вежбите. Како реакција на тоа, на девизните пазари се бележи раст на вредноста на рубљата.