При контрола на возилото, во патна торба на задното седиште,покрај личните работи на патниците пронајдени биле непријавени 50 илјади евра за кои немале никаков документ за потекло. Согласно законот за девизно работење,на патниците им се вратени по 10 илјади евра, износ за кој немаат обврска да го пријават, додека останатите 30 илјади се задржани
Царинската управа запленила 30 илјади евра на граничниот премин Богородица во петокот, соопштија оттаму.
Настанот се случил во вечерните часови, кога за влез во државата се пријавило патничко моторно возило со странски регистарски таблички во кое патувале двајца странски државјани.
На прашање на царинскиот службеник дали имаат да пријават нешто за царинска контрола одговориле дека немаат ништо за пријавување и дека одат во казино во Гвегелија. Но, проверките покажале друго.
„При контрола на возилото, во патна торба на задното седиште,покрај личните работи на патниците пронајдени биле непријавени 50 илјади евра за кои немале никаков документ за потекло. Согласно законот за девизно работење,на патниците им се вратени по 10 илјади евра, износ за кој немаат обврска да го пријават, додека останатите 30 илјади се задржани. За направениот прекршок, Царинската управа поднесе соодветна прекршочна пријава“,
се вели во соопштението од Царинската управа.
