Претседателот Џо Бајден ги предупреди жителите на Флорида да се евакуираат веднаш пред доаѓањето на ураганот од четврта категорија, велејќи дека ситуацијата е „прашање на живот и смрт“. Градоначалникот на Тампа ги предупреди жителите да „бегаат или ќе умрат“
Флорида се подготвува за една од најсилните тропски бури во последните сто години. Ураганот Милтон се движи кон брегот на САД, а властите ги повикуваат жителите веднаш да се евакуираат. Милтон повторно се засили до категорија 5 и може да биде најсилната бура што некогаш ја погодила Флорида. Иако се прогнозира дека ќе ослабне пред да падне на копно, тој ќе порасне во големина, што значи дека неговите катастрофални влијанија ќе се почувствуваат на поширока област. Доцна денеска се очекува Милтон да стигне до брегот на Флорида.
Претседателот Џо Бајден ги предупреди жителите на Флорида да се евакуираат веднаш пред доаѓањето на ураганот од четврта категорија, велејќи дека ситуацијата е „прашање на живот и смрт“. Градоначалникот на Тампа ги предупреди жителите да „бегаат или ќе умрат“.
Милтон носи екстремно силни ветрови до 250 км/ч откако го помина северниот раб на полуостровот Јукатан во Мексико. Се прогнозира дека невремето со полна сила ќе ја погоди густо населената област на залливот Тампа оваа вечер, помалку од две недели откако ураганот Хелен веќе ја опустоши државата. Жителите на Флорида добија совет да се подготват за најголемата евакуација во последните години.
Timelapse flying by Hurricane Milton about 2 hours ago.
— Matthew Dominick (@dominickmatthew) October 8, 2024
1/6400 sec exposure, 14mm, ISO 500, 0.5 sec interval, 30fps pic.twitter.com/p5wBlC95mx
Луѓето бегаат во паника
Во тек е масовна евакуација. Десетици илјади луѓе ги блокираа патиштата и заглавија во сообраќајот.
„Ова ќе биде бура што ќе го промени животот“,
изјави за Би-би-си, Џералд Лемус, жител на Флорида, кој цел живот живее на американскиот полуостров и никогаш не се евакуирал поради ураган.
„Никогаш не сум видел да е толку тивко овде. Никој нема“,
рече друг жител, Стив Крист.
„Најлошиот ураган во последните 100 години“
Џо Бајден предупреди дека ураганот Милтон може да биде една од најлошите бури што ја погодила Флорида во последните сто години.
„Евакуирајте сега, сега, сега“,
им рече тој на жителите, нагласувајќи дека федералната влада ќе обезбеди помош „пред, за време и по“ ударот на бурата.
Илјадници припадници на федералниот персонал веќе се распоредени за да помогнат во подготовката и обезбедувањето поддршка за време на бурата, додаде Бајден.
Гувернерот Рон Десантис истакна дека Флорида отворила десетици засолништа за оние што не можат да ја напуштат областа која се очекува да биде погодена од невремето.
„Имаме едно засолниште кое може да прими 10 000 луѓе. Другите засолништа можат да примат илјадници. Овие засолништа се последното прибежиште“,
рече тој за време на брифингот со новинарите.
Десантис претходно ја нарече бурата „чудовиште“, додека Белата куќа објави дека Бајден ја откажал планираната посета на Германија и Ангола за да ги надгледува подготовките за Милтон, како и напорите за закрепнување од неодамнешниот ураган Хелен.
Владата на Бахам, исто така, издаде предупредување за тропска бура за делови од островската држава, вклучувајќи ги и островите Гранд Бахама, Абакос и Бимини.
Два исклучително силни урагани за две недели
Пред помалку од две недели, ураганот Хелен, најсмртоносната бура што ги погоди САД од Катрина во 2005 година, го опустоши југоисточниот дел на САД, убивајќи најмалку 225 луѓе, а стотици други се водат како исчезнати. Смртните случаи биле пријавени во Џорџија, Јужна Каролина, Тенеси и Вирџинија и најтешко погодената сојузна држава Северна Каролина.
Од тие смртни случаи, најмалку 14 се пријавени во Флорида, каде што 51 од 67 окрузи сега се под итни предупредувања за ураганот Милтон. И покрај привременото слабеење на бурата утринава, Националниот центар за урагани предупреди дека Милтон би можел повторно да зајакне пред да ја погоди Флорида во текот на утрешниот ден.
„Милтон има потенцијал да стане еден од најразорните урагани забележани во Западна и Централна Флорида“,
се вели во официјалниот извештај, пренесе Би-би-си.
Bumpy ride into Hurricane #Milton on @NOAA WP-3D Orion #NOAA43 “Miss Piggy” to collect data to help improve the forecast and support hurricane research.
— NOAA Aircraft Operations Center (@NOAA_HurrHunter) October 8, 2024
Visit https://t.co/3phpgKNx0q for the latest forecasts and advisories
Visit https://t.co/UoRa967zK0 for information that you… pic.twitter.com/ezmXu2Zqta
Според вчерашниот извештај, брзината на ветерот била 241 км/ч, што е помала од нереалните 290 км/ч претходната ноќ. Ураганите обично се поделени во пет категории според брзината на ветерот, а оние над трета категорија се сметаат за големи и разорни урагани поради опасноста по човечкиот живот и големата материјална штета.
Во тек е евакуација
Во понеделникот, окрузите на Флорида почнаа да издаваат наредби за евакуација, при што властите очајно ги повикаа луѓето да се евакуираат што е можно поскоро.
На патиштата во Западна и Централна Флорида привремено беа суспендирани патарините за да се олесни сообраќајот, а на бензинските пумпи во Јужна Флорида се формираа долги колони, што доведе до недостиг на гориво на некои станици.
Сообраќајниот метеж во одредени области е зголемен за дури 90 отсто од нормалното ниво, рече гувернерот Десантис. Затворени се и училиштата.
Кит Тури, портпарол на Федералната агенција за управување со вонредни состојби (ФЕМА), рече дека се охрабрени од нивото на евакуации кои се во тек.
„Ова е всушност добар знак“,
додаде Тури.
Евакуирани се и жителите на областа кои беа погодени од ураганот Хелен.
Аеродромите во Тампа и Орландо најавија дека ќе ги прекинат летовите поради приближувањето на бурата.