Граѓаните ќе можат да се простат со Дамјан Таневски и Филип Ивановски во Соборниот храм „Свети Никола“, со Филип Стевановски и Александар Коларов во црквата „Успение на Пресвета Богородица“ во штипско Ново Село, а со Александар Ефремов во црквата „Света Троица“ кај градската капела во Штип
Штипјани утринава пеш тргнаа кон градските гробишта кои се оддалечени неколку километри од центарот на градот, за да им оддадат последна почит на трагично загинатите петмина сограѓани во дискотеката „Пулс“ во Кочани.
Граѓаните ќе можат да се простат со Дамјан Таневски и Филип Ивановски во Соборниот храм „Свети Никола“, со Филип Стевановски и Александар Коларов во црквата „Успение на Пресвета Богородица“ во штипско Ново Село, а со Александар Ефремов во црквата „Света Троица“ кај градската капела во Штип.
По цел пат покрај црквите и до гробиштата има полиција и лица од Црвениот крст. На терен се и Брзата помош и Пожарната.
Покрај домашните новинарски екипи, присутни се и странски екипи.
Во трагедијата што се случи во неделата рано наутро во Кочани загинаа 59 лица, а над 150 се повредени. Погребните церемонии ќе бидат во 11 часот во Штип, во 12 часот во Кочани и во 13 часот во село Облешево, додека погребите на други места од каде што има починати ќе бидат во различни временски периоди.