Мароко во полуфиналето ќе ги одмери силите со подобриот во вториот денешен четвртфинален натпревар на Светското првенство во Катар што ќе го играат репрезентациите на Франција и Англија
Репрезентацијата на Марково приреди вистинска сензација на Светското првентство во Катар откако вечерва ја победи Португалија во четвртфиналето со резултат 1 -0 и стана првата африканска репрезентација во историјата која ќе игра полуфинале на Светско првенство.
Стрелец на единствениот гол на натпреварот беше Јусеф Ен-Несири во 42. минута.
En Nesyri HO HO HO HO HO HOpic.twitter.com/OxSClACkRz
— Siaran Bola Live (@SiaranBolaLive) December 10, 2022
Репрезентативците на Марково се вистинско изненадување на ова првенство. За потсетување, тие со својата пожртвувана игра претходно во осминафиналето успеаја да ја елиминираат репрезентацијата на Шпанија.
Напаѓачот и најголема ѕвезда на Португалците, Кристијано Роналдо и овој меч го започна на клупата за резервни играчи. Во игра влезе во 51. Минута, кога селекторот на Португалија реши да го стави на местото на Рубен Невеш.
Португалија имаше доволно време да израмни, напаѓаше силно, но не успеа да ја затресе мрежата на одличниот голман на Мароканците, Боно.
Мароко во полуфиналето ќе ги одмери силите со подобриот од вториот денешен четвртфинален натпревар на Светското првенство во Катар што ќе го играат репрезентациите на Франција и Англија.
Вчера во драматични натпревари, со пресврти за пласман во полуфиналето се изборија репрезентациите на Хрватска и Аргентина кои се првата полуфинална двојка.